Maqedonia
Zaevi fton investitorët malazezë të investojnë në Maqedoni
Ndryshimi i emrit kushtetues dhe aderimi drejt NATO-s kontribuoi që vendi të përmbysë shumë rekorde në fushën ekonomike. Kështu kryeministri Zoran Zaev e filloi fjalimin para biznesmenëve malazezë në Forumin e biznesit në Podgoricë.
Investimet e huaja janë dyfishuar në krahasim me vitin më të suksesshëm në të kaluarën, për dy vjet është rritur BPV-ja në shifra absolute, shprehet kryeministri dhe shton se ka shënuar rënie papunësia, ndërsa rritje ka pasur edhe te vlera e eksportit. E gjithë kjo është për shkak të sigurisë dhe mbrojtjes që e kanë ndier për investim biznesmenët vendorë dhe të huaj në Maqedoni.
“Gjithçka që bëjmë si politikanë, e bëjmë për shkak të ekonomisë, për shkak të biznesit, për shkak të tregtisë, për shkak të vendeve të punës, për shkak të BPV-së, për shkak të eksportit. Kjo në fund paraqet cilësi të jetës në gjithë këtë rajon. Si vend ecim hapave të Malit të Zi dhe e ndjekim përvojën që e ka ky vend. Ja, ne jemi vendi i radhës i 30-të anëtar i NATO-s dhe falënderoj qytetarët e Malit të Zi, Qeverinë dhe Parlamentin që ishin në mesin e vendeve të para që e ratifikuan protokollin për në NATO- deklaroi Zaev.
Përveç forumit të biznesit delegacioni nga vendi ishte pjesë edhe e seancës së përbashkët qeveritare me politikanët malazezë. Kryeministri i Malit të Zi Dushko Markoviq pret që bashkëpunimi mes dy vendeve të përmirësohet dukshëm, shkruan AlsatM, përcjell Albinfo.ch.
Janë nënshkruar katër marrëveshje mes dy vendeve. Në fushën e mbrojtjes së mjedisit jetësor, shëndetësisë, marrëveshje për punë të brendshme dhe mbrojtje të të dhënave sekrete. Biseduam se si ta rrisim bashkëpunimin, dhe prej tyre të rezultojnë beneficione konkrete nga këto fusha- deklaroi Dushko Markoviq, kryeministër i Malit të Zi.
Ekziston hapësirë për lidhshmëri më të mirë infrastrukturore mes dy vendeve, tha Zaev dhe shprehet se duhet doemos të mendohet më seriozisht për linjë ajrore mes Shkupit dhe Podgoricës. U bëri thirrje biznesmenëve të pranishëm në forum që të investojnë në Maqedoni, ashtu siç para do kohë kompania nga vende “Dauti komerc” investoi në Mal të Zi.
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Zvicra duhet të forcojë kontrollin e sektorit të saj financiar, paralajmëron FMN FMN-ja i kërkoi Zvicrës të enjten të forcojë rregulloren e sektorit financiar pasi mbikëqyrja e UBS...
-
Trafiku i dendur edhe sot, bllokohen autostradat zvicerane
-
‘Vallja kosovare’ jehon në Universitetin e Gjenevës (Video)
-
Në aeroportin e Bazelit anulohet fluturimi për në Prishtinë, mërgimtarët ankohen
-
Iniciativat zvicerane synojnë t’i japin fund diskriminimit të çifteve të martuara