Lajme
Zbulimi i Omicron-it në drerin e Nju Jorkut ngre shqetësimin për variantet e reja të mundshme
Zbulimi i variantit Omicron te dreri me bisht të bardhë në Nju Jork ka ngritur shqetësime se speciet, që numërojnë 30 milionë në Shtetet e Bashkuara, mund të bëhen nikoqirë të një lloji të ri të koronavirusit, tha një studiues të martën, shkruan Reuters, përcjell albinfo.ch
Gjaku dhe disa mostra të shtupës së hundës nga 131 drerë të kapur në Staten Island të Nju Jorkut zbuluan se gati 15% kishin antitrupa virusi. Zbulimi sugjeroi se kafshët kishin infeksione të mëparshme të koronavirusit dhe ishin të prekshme ndaj riinfeksioneve të përsëritura me variante të reja, thanë studiuesit e udhëhequr nga shkencëtarët e Universitetit Shtetëror të Pensilvanisë.
“Qarkullimi i virusit në një popullatë kafshësh rrit gjithmonë mundësinë e kthimit te njerëzit, por më e rëndësishmja, ai ofron më shumë mundësi që virusi të evoluojë në variante të reja,” tha Suresh Kuchipudi, një mikrobiolog veterinar në Penn State.
“Kur virusi ndryshon plotësisht, atëherë ai mund t’i shpëtojë mbrojtjes së vaksinës aktuale. Kështu që ne do të duhet ta ndryshojmë përsëri vaksinën,” tha Kuchipudi.
Zbulimi – hera e parë që Omicron u zbulua në një kafshë të egër – vjen pasi një rritje e infeksioneve COVID-19 të nxitura nga varianti po pakësohen në mesin e popullatës njerëzore të SHBA.
Ndërsa, ende nuk ka prova që kafshët po e transmetojnë virusin te njerëzit, shumica e infeksioneve me koronavirus u raportuan në specie që kishin kontakt të ngushtë me një person me COVID-19, sipas Departamentit të Bujqësisë të SHBA-së.
Në gusht, qeveria e SHBA tha se gjeti rastet e para në botë të COVID-19 te dreri i egër në Ohio, duke zgjeruar listën e kafshëve që dihet se kanë rezultuar pozitive për sëmundjen.
Zbulimi u bazua në mostrat e mbledhura nga dreri disa muaj përpara se varianti Omicron me mutacion të madh të shfaqej për të zëvendësuar variantin e mëparshëm dominues Delta te njerëzit anembanë botës, përcjell tutje albinfo.ch
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë