Ukraina

Zelensky: 23 mijë ushtarë rusë të vrarë deri më tani

Gjatë një fjalimi, udhëheqësi ukrainas tha se mbi një mijë tanke ruse dhe pothuajse 2 500 automjete të tjera ushtarake janë shkatërruan gjithashtu.

Presidenti ukrainas, Volodymyr Zelensky, tha se rreth 23 000 ushtarë rusë kanë vdekur në Ukrainë që nga fillimi i konfliktit më shumë se dy muaj më parë.

Ende nuk dihet numri i saktë i ushtarëve rusë të vrarë që nga fillimi i pushtimit të Ukrainës më 24 shkurt. Deri më tani, Moska ka konfirmuar vdekjen e më shumë se një mijë ushtarëve rusë dhe 23 000 luftëtarëve ukrainas.

Nga ana e saj, Ministria e Mbrojtjes në Moskë tha se mbi 2600 tanke dhe automjete të blinduara ukrainase, rreth 650 dronë, si dhe 142 avionë dhe 112 helikopterë ishin nxjerrë jashtë funksionit, transmeton Dpa,

Një pjesë e madhe e luftimeve është përqendruar në Luhansk dhe Donetsk, të njohur si Donbass, të cilat kontrollohen kryesisht nga separatistët prorusë.

Zelensky tha se Ukraina po vazhdonte negociatat për të forcuar sanksionet kundër Rusisë. “Një vendim për kufizimet në importet e naftës ruse pritet në të ardhmen e afërt”, tha ai.


LAJME INTERESANTE NGA INTERNETI