Zelensky ankohet se lufta Izrael-Hamas zhvendosi vëmendjen ndërkombëtare nga Ukraina

EPA/SERGEY DOLZHENKO

Teksa luftimet në terren vazhdojnë, Kievin e shqetëson mungesa e vëmendjes. Lufta Izrael-Gaza po “ia heq fokusin” konfliktit në Ukrainë, ka pranuar presidenti i vendit, Volodymyr Zelensky. Ai tha se ky ishte “një nga qëllimet” e Rusisë, e cila nisi një pushtim të plotë të Ukrainës në shkurt 2022.

Por Zelensky mohoi se luftimet për çlirimin e territorit kishin arritur në një ngërç, pavarësisht një vlerësimi të fundit për këtë nga gjenerali më i lartë ushtarak i vendit. Kundërofensiva e Kievit në jug deri më tani ka bërë pak përparim, transmeton cnn, përcjell albinfo.ch.