Lajme
Zelensky: Ukraina nuk është fajtore për shpërthimin në Poloni
“Kjo nuk është provë”, Biden hedh dyshime mbi pretendimin e Zelensky për raketat në Poloni
Presidenti i Ukrainës, Volodymyr Zelensky, ka thënë se Ukraina nuk është fajtore për goditjen me raketë në Poloni të martën, ku humbën jetën dy persona, raporton BBC.
Zelensky ka thënë se ka marrë garanci nga komandantët kryesorë se raketa nuk ishte e Ukrainës.
Presidenti i SHBA-së, Joe Biden, iu përgjigj të enjten pretendimit të presidentit ukrainas, Volodymyr Zelensky, se një raketë ukrainase nuk ishte përgjegjëse për një shpërthim vdekjeprurës në Poloni të martën.
“Kjo nuk është prova”, u tha Biden gazetarëve në Shtëpinë e Bardhë, pasi u kthye nga samiti i G20 në Bali, Indonezi.
Dy fermerë vdiqën të martën kur një raketë ra jashtë fshatit lindor polak të Przewodow, rreth 6.4 kilometra në perëndim nga kufiri ukrainas.
Zyrtarët polakë kanë treguar se ka të ngjarë që një raketë ukrainase, e vendosur nga mbrojtja ajrore e saj mes valëve të sulmeve raketore ruse të martën, ka rënë brenda territorit polak.
Duke folur me gazetarët të mërkurën, Zelensky tha se nuk besonte se raketa ishte ukrainase.
“Nuk ishte raketa jonë”, tha ai.
Më vonë, në fjalimin e tij të përditshëm me video, Zelensky tha se “sqarimi i të gjitha rrethanave se si agresioni rus kaloi kufirin polak” ishte tani një çështje përpara Këshillit të Sigurimit të OKB-së. Ai tha se kishte folur me presidentin polak, Andrzej Duda, dhe kishte shprehur ngushëllimet e tij, por këmbënguli se ishte “agresioni rus” që u kishte marrë jetën dy shtetasve polakë.
“Pozicioni ukrainas është shumë transparent: ne duam të përcaktojmë të gjitha detajet, çdo fakt. Kjo është arsyeja pse ne kemi nevojë që ekspertët tanë t’i bashkohen punës së hetimit ndërkombëtar dhe të kenë akses në të gjitha të dhënat në dispozicion të partnerëve tanë për shpërthimin”, tha Zelensky.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës