Bota
Në Britani nis zyrtarisht fushata elektorale
Sot në Britaninë e Madhe fillon zyrtarisht fushata zgjedhore, pasi Parlamenti u shpërbë në orët e para të mëngjesit.
Boris Johnson ka arritur në Buckingham Palace për të takuar Mbretëreshën, çka edhe shënon fillimin e periudhës zgjedhore para votimit të 12 dhjetorit. Ai, në qendër të fushatës do të ketë premtimin se do t’ia dalë mbanë me Brexitin.
Në anën tjetër, Jeremy Corbin premton ndryshim të vërtetë me laburistët. Por ndërkaq, në vend është ndezur një debat i ri. Rusia, me gjasa ka ndërhyrë në referendumin për Brexitin më 2016. Komisioni parlamentar pёr shёrbimet sekrete ka paraqitur tashmё njё raport.
Por kryeministri Boris Johnson nuk e bёn atё publik. Opozita britanike e akuzon qeverinё Johnson se po e mban tё fshehtё raportin, nё mёnyrё qё opinioni tё mos mёsojё asnjё detaj tё rёndёsishёm pёrpara zgjedhjeve parlamentare tё 12 dhjetorit.
Sipas laburistëve, raporti mund të ngrejë edhe çështje të tjera, si p.sh. raportet mes Johnsonit dhe një të dyshuari si spiun rus.
Sidoqoftë, vetë konservatorët thonë se nuk ka asnjë provë që të vërtetojë se ka pasur ndërhyrje të suksesshme ruse në procesin elektoral britanik. Edhe vetë Moska i hedh poshtë akuzat. Por, pavarësisht kësaj, disa anëtarë të Partisë Konservatore kërkojnë publikimin e raportit që i është dërguar Johnson më 17 tetor.
Të ngjashme
Të tjera nga Bota
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit