Kosova: vota e diasporës
Zgjedhjet në Kosovë, më 11 ose 18 qershor
Përfaqësuesit e partive parlamentare në Kosovë janë pajtuar, të enjten, që zgjedhjet e parakohshme parlamentare në vend të mbahen më 11 përkatësisht, 18 qershor
![](https://www.albinfo.ch/wp-content/uploads/2017/05/zgjedhjet-ne-kosove-2-1-e1454683748495-587x379.jpg)
Një ditë pasi Kuvendi i Kosovës rrëzoi qeverinë me anën të mocionit të mosbesimit, presidenti Hashim Thaçi ka ftuar në një takim konsultativ përfaqësuesit e partive politike për të caktuar datën e zgjedhjeve të parakohshme parlamentare. Sipas deklarimeve që dolën nga ky takim, ku nuk ishte përfaqësuesi i LDK-së, mbet si opsion data 11 ose 18 qershor për mbajtjen e zgjedhjeve.
Sipas Ligjit për Zgjedhjet e Përgjithshme, dita kur duhet të mbahen zgjedhjet e jashtëzakonshme duhet të jetë ditë e diel, dhe jo më herët se 30 ditë nga shpërndarja dhe jo më vonë se 45 ditë nga shpërndarja e Kuvendit. Hashim Thaçi dje me vendim ligjor, ka shpërndarë Kuvendin.
“Në përcaktimin e datës së zgjedhjeve duhet të marrim parasysh të gjithë faktorët që mund të ndikojnë në mbarëvajtjen e zgjedhjeve. Komisioni Qendror i Zgjedhjeve është shprehur i gatshëm të organizojë zgjedhjet dhe të sigurojë mbarëvajtjen e tyre”, ka thënë presidenti Thaçi, i cili mbetet optimist për zgjedhje të lira e demokratike.
Kosova, siç tha Thaçi, ka instaluar traditën e organizimit të zgjedhjeve të lira e të suksesshme. Sipas tij, edhe zgjedhjet e ardhshme duhet të dëshmojmë këtë dhe të sigurojmë një proces elektoral të besueshëm dhe të pranueshëm nga të gjithë.
Ndryshe në takimin e sot të ftuar nga president Hashim Thaçi, nuk mori pjesë vetëm Lidhja Demokratike e Kosovës, e cila pas votimit të mocionit për rrëzimin e qeverisë nga ana e Partisë Demokratike të Kosovës, është deklaruar se nuk e njeh Thaçin si president të vendit. Ndërsa për herë të parë në takimin e ftuar nga Thaçi morën pjesë përfaqësuesit e tri subjekteve opozitare, Lëvizja Vetëvendosje, AAK dhe NISMA.
Të tjera nga Kosova: vota e diasporës
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n