Koronavirusi: çast pas çasti

Zvicër: 13 infeksione të reja në 24 orët e fundit

Gjatë ditëve të fundit ka pasur një luhatje shifrash në mes të 10 dhe 41, por që nuk e rrezikonte trendin mbizotërues të rënies së padyshimtë të numrit të infeksioneve

Në Zvicër dhe Lihtenshtajn, brenda një dite janë raportuar gjithsej 13 infeksione të reja me koronavirus.

Kjo shifër është për 23 më e vogël se ajo që ishte raportuar të enjten, shkruan srf.ch. Gjatë ditëve të fundit ka pasur një luhatje shifrash në mes të 10 dhe 41, por që nuk e rrezikonte trendin mbizotërues të rënies së padyshimtë të numrit të infeksioneve.

Megjithatë, nisur nga fakti se raportimi i sotëm ka dalë nga testimet e realizuara dje, që ishte ditë feste ashtu si dhe sot, edhe kjo shifër duhet marrë me rezervë, pasi që në ditë pushimesh bëhen më pak testime, shkruan albinfo.ch.

Deri më tani ka pasur gjithsej 30.707 raste të konfirmuara nga laboratori, siç ka njoftuar të premten Zyra Federale e Shëndetit Publik (BAG). Në të njëjtën kohë, në Zvicër janë shëruar 27.900 veta të sëmurë nga koronavirusi, raporton worldometers.info.

Në Zvicër ka 358 infeksione në 100,000 banorë.

Numri i vdekjeve të lidhura me sëmundjen e mushkërive Covid-19 në në mesditën e së premtes ishte 1902, gjashtë më shumë sesa ishte raportuar një ditë më parë, transmeton albinfo.ch. Por sipa BAG, nuk është raportuar asnjë i vdekur gjatë 24 orëve të fundit.

Një total prej 364.321 testesh janë kryer në shkallë vendi dhe 10% kanë rezultuar pozitivë.