Lajme
Zvicër: Kërkohet përjashtimi i Bjellorusisë nga Euro 2024

Një grup i parlamentarëve zviceranë me një letër drejtuar presidentit të UEFA-s kanë kërkuar që ndeshja në kuadër të EURO 2024 mes Zvicrës dhe Bjellorusisë më 25 mars të mos mbahet.
“Kombëtarja e Zvicrës duhet të luajë ndeshje kualifikuese për Kampionatin Evropian kundër ekipit të një vendi që është përgjegjës për shkeljet më të rënda të të drejtave të njeriut dhe që mbështet agresionin në Ukrainë, është diçka që nuk mund ta falim”, thuhet në letrën e hapur, raporton Swissinfo, përcjell albinfo.ch.
Letra është nënshkruar nga 30 anëtarë të të dy dhomave të Parlamentit dhe i drejtohet presidentit të Federatës Evropiane të Futbollit (UEFA) të Sllovenisë, Aleksander Ceferin.
Më shumë se 100 anëtarë të Parlamentit Evropian, po ashtu i kanë nisur letër me të njëjtën thirrje. Libereco dhe Campax, një OJQ tjetër zvicerane, kishin nisur më parë një fushatë duke kërkuar që UEFA të përjashtonte Bjellorusinë nga Kampionatin Evropian, i njohur ndryshe si Euro 2024. “Derisa, UEFA e ka përjashtuar Rusinë nga të gjitha garat e futbollit, Bjellorusia ende lejohet të marrë pjesë”, thotë Lars Bünger, President i Libereco Zvicër, shkruan swissinfo.ch, përcjell albinfo.ch.
Bjellorusia me presidentin e saj, Alexander Lukashenko, është aleat i Rusisë dhe e lejoi Moskën të përdorë territorin e saj për pushtimin e Ukrainës. Ajo akuzohet gjithashtu për shkelje të rënda të të drejtave të njeriut në vend, raporton swissinfo.ch, përcjell albinfo.ch.
Të tjera nga Lajme
E-Diaspora
-
Në Gjykatën Federale Penale
6 shtetas të Kosovës dhe të Maqedonisë akuzohen për terrorizëm Gjashtë të akuzuarit (26 deri në 33 vjeç), janë shtetas të Kosovës apo Maqedonisë, njëri është...
-
Shqiptarët në vitin 2022, rekord aplikimesh për azil në Britani
-
Dy shkolla shqipe hapen në Itali
-
Në Britani rekord kërkesash për azil në 2022, në BE niveli më i lartë në tri vjet
-
Filmi i regjisores nga Kosova shfaqet në Bruksel
Jeta në Zvicër
-
Fillimi i jetës në një vend të huaj: Zvicra e kalon Austrinë dhe Gjermaninë Një renditje e re ndërkombëtare ka bërë që Zvicra të renditet mbi fqinjët e saj gjermanishtfolës,...
-
Posta në Bernë paguan 10,000 CHF në muaj që punëtorët të shkojnë në punë me taksi
-
Lucern: Dënohen babë e mirë, mashtruan me kredi urgjente të Covid-it për 365 mijë CHF
-
Probleme teknike me shërbimet online të CS
-
Sondazhi në Zvicër, cila parti ka rënë më shumë