Zvicër: Ky kanton kthen detyrimin për maskë në entet shëndetësore

Arsyeja: rritja e fortë dhe e shpejtë e numrit të infeksioneve të reja me koronavirus në këtë kanton

Maskat e fytyrës janë përsëri të detyrueshme në spitalet e Ticinos dhe objektet e tjera shëndetësore të këtij kantoni. Kështu ka bërë të ditur drejtoria kantonale e shëndetësisë, transmeton albinfo.ch. Arsyeja: rritja e fortë dhe e shpejtë e numrit të infeksioneve të reja me koronavirus.

Rregullorja për mbrojtjen e fytyrës vlen si për personelin ashtu dhe për vizitorët. Qëllimi është rritja e mbrojtjes së njerëzve në këto objekte, veçanërisht atyre që janë në rrezik, shkruan srf.ch.

Autoritetet shëndetësore kantonale rikujtojnë se përdorimi i maskave të fytyrër rekomandohet për të gjithë popullatën në ambiente të mbyllura, në vende të mbushura me njerëz dhe kur takohen me persona në rrezik.

Popullatës i kërkohet gjithashtu të ndjekë rekomandimet e njohura të sjelljes: kufizoni kontaktet nëse shfaqen simptoma, lani duart shpesh, ajrosni dhomat rregullisht dhe vaksinohuni.

---