Koronavirusi: çast pas çasti

Zvicër: Një fëmijë vdes nga koronavirusi: 32 infeksione të reja

Merret vesh se fëmija i vdekur në Aargau ishte foshnjë. Është rasti i parë në Zvicër i vdekjes së një fëmije nga Covid-19

Konferenca për media me panelin federal të ekspertëve në Bernë ka filluar sot me një lajm të rëndë. Së pari, e ka marrë fjalën shefi i ri i Seksionit të Sëmundjeve të Bartshme të BAG-së, Stefan Kuster, i cili nga sot zëvendëson ish delegatin e BAG, Daniel Koch që ka dalë në pension, shkruan srf.ch

Kuster ka theksuar që në fillim se kemi një shtim të rasteve. Janë 32 infeksione të reja dhe kjo na kujton se situata vazhdon të jetë e tensionuar, transmeton albinfo.ch. Ndërsa, ai ka bërë të ditur se gjatë 24 orëve të fundit janë shënuar dhe dy vdekje, përfshirë një fëmijë nga kantoni i Aargaut.

Ndërkohë, merret vesh se fëmija i vdekur në Aargau ishte foshnjë, shkruajnë mediat zvicerane. Është rasti i parë në Zvicër i vdekjes së një fëmije nga Covid-19.

Po kështu, është bërë e ditur gjithashtu se dy fëmijë në Bazel janë infektuar me koronavirus. Për këtë arsyem rreth 70 njerëz janë vendosur në karantinë.

“Virusi është akoma këtu!”, ka tërhequr vërejtjen Kuster, përcjell albinfo.ch. Është e rëndësishme ta mbani këtë në mendje. Është gjithashtu shumë e rëndësishme të vazhdojë respektimi i rregullave të mbajtjes së distancës dhe higjenës. Listat e kontakteve gjithashtu do të kishin kuptim, por ato nuk mbrojnë nga infeksioni. Distanca është më e rëndësishmja.

165 pacientë në izolim dhe 400  në karantinë
5000 testjanë kryer dje, ka thënë më tutje Kuster.  “Ne duam të gjejmë dhe identifikojmë secilin rast dhe të këpusim zinxhirin e infeksionit”, transmeton albinfo.ch.  Të kontaktuarit nga personat e infektuar gjithashtu duhet të kalojnë në karantinë.

Zakonisht ka më shumë njerëz në karantinë sesa në izolim. 165 pacientë janë në izolim dhe pothuajse 400 njerëz në karantinë, ka përfunduar Kuster.