Lajme

Zvicër: SVP do të nisë një referendum për kontrolle më të ashpra kufitare

E martë, 6 Shkurt 2024 - 16:00 albinfo.ch
albinfo.ch

Partia Populiste e Zvicrës (SVP) njoftoi se propozimi i planifikuar synon të ndalojë fluksin e azilkërkuesve në vend, përcjell albinfo.ch.

Në vitin 2009, Zvicra braktisi kontrollet e saj kufitare kur iu bashkua zonës Shengen.

Kjo lëvizje ishte një gabim, pretendon partia, sepse hapi dyert për emigrantët dhe azilkërkuesit njësoj.

“Shifrat e azilit janë shumë të larta”, tha SVP. “Ne duhet t’i japim fund abuzimit të sistemit tonë nga migrantët azilkërkues nga vende të treta të sigurta dhe të parandalojmë imigrimin e paligjshëm të qindra-mijëra njerëzve”.

Qëllimi i referendumit të ri do të ishte krijimi i një “mbikëqyrjeje të gjerë” në kufijtë e vendit.

 

 Të tjera nga Lajme

Mediumi argjentinas: Granit Xhaka është simbol i historisë, identitetit dhe lidershipit të Zvicrës

 E-Diaspora

 Jeta në Zvicër