Lajme

Zvicër: Rritet numri i studentëve që duan të studiojnë për virologji dhe epidemiologji

Kur të godasë pandemia tjetër, ne mund të jemi në një pozitë më të mirë pasi ka të ngjarë të kemi shumë më tepër ekspertë për të ndihmuar.

Universitetet po raportojnë një rritje të studentëve që duan të studiojnë lëndë si virologjia dhe epidemiologjia.

Në Universitetin e Cyrihut, në vitin 2018 para se të godiste Covid, 44 studionin virologji, në vitin 2020 ishin 116 në kurs dhe vitin e kaluar 91.

Në Bazel, universiteti ka një institut të shëndetit tropikal dhe publik, i cili ka parë qindra të regjistruar për leksione në internet, shkruajnë mediat zvicerane, përcjell albinfo.ch.

Por ligjëruesit theksojnë se shumë studentë përfundojnë duke e braktisur shkollën pas entuziazmit fillestar – me gjasë sepse lëndët janë veçanërisht sfiduese.