Zviceranët frikësohen nga Shqipëria

(KEYSTONE/Jean-Christophe Bott)

Përfaqësuesja e Zvicrës humbi dy ndeshjet miqësore, derisa me vëmendje të madhe po shikon edhe ndeshjet e kundërshtarëve që ka në Francë. Takimin e parë do të ketë pikërisht ndaj Shqipërisë më 11 qershor.

Gazeta ‘Blick’ ka raportuar për fitoret e Shqipërisë dhe Francës, që u zhvilluan të martën, duke u ndalur më shumë te kuqezinjtë. “Më 11 qershor, Shqipëria do të jetë kundërshtari i parë. Gjimshiti, Basha, Gashi, Kukeli, Aliji dhe Alind Ajeti ishin titullar ndaj Luksemburgut, duke qenë gjashtë futbollistë me përvojë nga Superliga zvicerane.

Për një orë Shqipëria luajti pa gola. Më pas hyri në lojë Armando Sadiku.

Sulmuesi i Vaduzit shënoi për 1:0 e më pas realizoi edhe Sokol Cikalleshi. Por, Shqipëria përfitoi edhe nga një karton i kuq i dhënë për portierin e Luksemburgut.

Taulant Xhaka dhe Amir Abrashi nuk luajtën në këtë ndeshje”, shkruan ‘blick’, përcjell albinfo.