Zviceranët kërkojnë rreth një javë më shumë pushim

Nëse zviceranët do të votonin në referendum, atëherë atyre do t'u shtohej pushimi edhe për një javë, shkruan 20min.ch.

Zviceranët brenda vitit do të merrnin 30.5 ditë pushim, nëse ata mund të caktonin vetë numrin e ditëve të lira. Kjo është bërë publike nga një studim i Xing, përcjell albinfo.ch. Mesatarisht punëtorët helvetë marrin 25.5 ditë të lira gjatë vitit, siç tregojnë shifrat e Zyrës Federale për Statistikë. Pra zviceranët do të uronin që të keni rreth një javë më shumë pushim.

Gjatë anketës janë plotësuar kushtet: marrja e pushimit nuk duhet të rezultojë me mospërfundimin e punës ose kolegët të punojnë orë më të ngjeshura për të plotësuar punëtorin që ka marrë pushimet.

Jo vetëm uratë

Caktimi i ditëve të lira në punë nuk është vetëm utopi: Sipas Xing disa firma zvicerane prej tani e kanë dhënë mundësinë për caktimin vetë të ditëve të lira gjatë vitit si firma amerikane “Netflix” ose Start-up Advanon nga Cyrihu.

A është kjo ide e mirë? 56 për qind e të anketuarve thonë se është mirë të caktosh vetë sa ditë pushim kërkon, ndërsa të tjerë përgjigjen se nuk mund ta paramendojnë që ky sistem është i mirë. Megjithatë, dy të tretat e të rinjve 18 deri 24 vjeç, sistemi i përzgjedhjes vetë të ditëve të lira shihet si i mirë dhe funksional.