Zviceranët mund të vazhdojnë të mbajnë letërnjoftimet jo biometrike

Sipas komisionit, lejimi i mbajtjes së dokumenteve të vjetra të identitetit i përshtatet nevojave të një numri të madh njerëzish

Komisioni për Politikë Shtetërore i Parlamentit Federal të Zvicrës i ka ofruar parlamentit për shqyrtim një propozim ligji, të aprovuar njëzëri. Propozimi ka të bëjë me vazhdimin e vlefshmërisë së dokumenteve të të vjetra, jo biometrike të identitetit. Para së gjithash këto dokumente mund tu shërbejnë njerëzve për përdorim brenda vendit.

Sipas komisionit, lejimi i mbajtjes së dokumenteve të vjetra të identitetit i përshtatet nevojave të një numri të madh njerëzish. Duke bërë këtë propozim, komisioni ka përcjellë një iniciativë parlamentare të ardhur nga kantoni Thurgau.

Kështu, ligji për dokumentet e identitetit duhet të ndryshojë në atë mënyrë që tu mundësohet qytetarëve zviceranë bërja e kërkesës për një dokument identiteti pa të dhëna elektronike. Ndërsa lidhur me mundësinë e pajisjes me këto dokumente në komuna, vendimi mbetet të merret nga kantonet.