Tematike
Zviceranët, pesimistë për botën dhe optimistë për Zvicrën
73% të të anketuarve e kanë gjykuar gjendjen politike në botë me pesimizëm ndërsa një vit më parë ishin 68%.
Zviceranët i shikojnë zhvillimet e politikës botërore në të ardhmen me më shumë pesimizëm se një vit më parë. Këtë përfundim e ka nxjerrë një studim i titulluar “Siguria 2019”, i realizuar nga Akademia Ushtarake në kaudër të Universitetit ETH të Cyrihut.
Si faktorë që përbëjnë rrezik për situatën politike botërore, zviceranët e anketuar kanë përmendur politikën e bazuar në forcë, të fuqive të mëdha botërore si SHBA, Rusia dhe Kina, thuhet në një komunikatë të publikuar nga autoritetet federale të Zvicrës.
73% të të anketuarve e kanë gjykuar gjendjen politike në botë me pesimizëm ndërsa një vit më parë ishin 68%.
28% të pjesëmarrësve në sondazh e konsiderojnë politikën amerikane si jo të besueshme ndërkohë që 22% po këtë mendim e kanë për politikën kineze dhe 16% për politikën ruse, përcjell albinfo.ch.
Presidenti amerikan Donald Trump është përmendur më shpesh si shkaktar për këtë pesimizëm.
Njëri ndër tre shkaqet kryesore për pesimizmin e tyre në lidhje me situatën në politikën botërore rezulton të jetë rritja e nacionalizmit dhe populizmit të djathtë.
Por, marrë në përgjithësi, pjesëmarrësit në këtë sondazh, sipas raportit të publikuar të marten, e kanë vlerësuar si pozitive të ardhmen e Zvicrës. Ata e gjykojnë si shumë të sigurt këtë të ardhme. Kjo siguri mbështetet para së gjithash në gjendjen e mirë ekonomike dhe në sistemin politik të Zvicrës.
Për këtë studim janë anketuar 1213 persona gjatë janarit të këtij viti.
Të ngjashme
Të tjera nga Tematike
E-Diaspora
-
Adoleshenti kosovar, i dyshuar për ISIS, e quan veten “Bombarduesi” 15-vjeçari zviceran me prejardhje kurde dhe 16-vjeçari, shtetas italian me rrënjë kosovare, të arrestuar në Schaffhausen,...
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor