Lajme

Zvicra nuk renditet mirë në kujdesin ndaj fëmijëve

Zvicra ka një nga sistemet më të shtrenjta të kujdesit për fëmijët në botën e zhvilluar dhe gjithashtu po merr nota të këqija në lejen prindërore, sipas një raporti nga Fondi i Kombeve të Bashkuara për Fëmijët (UNICEF), përcjell albinfo.ch.

Shteti Alpin renditet në vendin e 38-të, nga 41 vende që krahasohen nga raporti “Ku qëndrojnë vendet e pasura në kujdesin për fëmijët”, i lëshuar të premten.

Votuesit zviceranë vendosën vitin e kaluar të futnin dhjetë ditë pushim atësie, ndërsa nënat kanë të drejtë për 14 javë leje me pagesë që nga viti 2005.

Vetëm Shtetet e Bashkuara, të cilat nuk ofrojnë asnjë të drejtë ligjore në gjithë vendin për leje lindjeje ose atësie, paraqiten më keq. Kostoja e çerdheve dhe formave të tjera të kujdesit për fëmijët në Zvicër konsiderohet gjithashtu tepër e shtrenjtë.

“Në Irlandë, Zelandën e Re dhe Zvicër, një çifti me të ardhura mesatare do të duhet të shpenzojnë midis një të tretës dhe gjysmës së një rroge për të paguar për dy fëmijë në kujdesin e fëmijëve”, tha raporti, përcjell tutje albinfo.ch.