Zvicra do të zbatojë paketën e dhjetë të sanksioneve kundër Rusisë

Qeveria zvicerane po miraton masat e fundit që BE-ja ka marrë kundër Rusisë në shkurt, njoftoi të mërkurën Këshilli Federal, përcjell albinfo.ch.

Përveç ndryshimeve në detyrimin e raportimit në sektorin financiar, “këto sanksione përfshijnë ndalimin e shtetasve rusë që të shërbejnë në organet qeverisëse të infrastrukturës kritike”, tha Këshilli Federal.

Ekzistojnë gjithashtu ndalime dhe kufizime të reja për eksporte të ndryshme, “përfshirë mallrat që kontribuojnë në përmirësimin ushtarak dhe teknologjik ose në zhvillimin e sektorit të mbrojtjes dhe sigurisë, mallra që kontribuojnë në kapacitetin industrial të Rusisë dhe mallra të përdorura në industrinë e aviacionit dhe hapësirës ajrore”.

Paketa e fundit gjithashtu forcon kufizimet e importit për mallrat me rëndësi ekonomike për Rusinë, tha qeveria.

 

 

 

---