Zvicra e kthen humbjen në fitore

Keystone

Përfaqësuesja zvicerane e futbollit ka shënuar fitoren e pestë shumë të vlefshme duke e bërë një hap të madh drejt kualifikimit për Kampionatin Evropian 2016. Ajo ka fituar me rezultatin 3:2 në Bazel kundër Sllovenisë ndeshjen në të cilën mysafirët po udhëhiqnin me rezultatin 2:0.

Në fazën përfundimtare të ndeshjes, Josip Drmic dhe Valentin Stocker fillimisht kanë barazuar rezultatin, duke shënuar në minutën 80 respektivisht 84.

Ndërsa në lojën shtesë, në minutën e katërt të saj, Drmic ka shënuar edhe golin e tij të dytë gjegjësisht golin e tretë, atë të fitores për kombëtaren e Zvicrës.