Zvicra, e treta në Evropë për nga standardi jetësor

Pas "pastrimit" nga të dalat e detyrueshme një familjeje zvicerane i mbeten 51.282 franga në vit për të jetuar. Standardi më i lartë, vetëm në Luksemburg dhe në Norvegji

Sipas një studimi të realizuar nga Zyra Federale për Statistika lidhur me të ardhurat dhe kushtet jetësore, Zvicra gjatë vitit 2013 ka bërë pjesë në mesin e vendeve me standardin më të lartë në Evropë. Studimi ka konstatuar se pabarazia në të ardhura në Zvicër ka qenë më e vogël se mesatarja në Evropë. Ndërkohë që në Zvicër kanë ndjerë të varfëruar 4.0 për qind e popullatës, mesatarja në shtetet e BE-së ka qenë 19.5%.

Por kjo epërsi e qartë e Zvicrës megjithatë nuk i përjashton vështirësitë në përballimin e jetës që ka një kategori e popullatës zvicerane. Kështu, 19.6 për qind të njerëzve që jetojnë në Zvicër nuk kanë qenë në gjendje që të paguajnë një llogari që u ka ardhur e papritur gjatë një muaji. Veç kësaj, pothuajse një në dhjetë persona (ose 8.7%) e banorëve të Zvicrës nuk kanë qenë në gjendje që të paguajnë pushimet e tre njëjavore jashtë shtëpisë.

Nga shtetet evropiane vetëm Luksemburgu dhe Norvegjia konsiderohet se e kanë standardin më të larte se Zvicra.

Edhe pse zviceranët fitojnë 1.7 herë më shumë se italianët ose 1.3 herë më shumë se gjermanët, fuqia blerëse Neto e zviceranëve është vetëm pak më e madhe se ajo e gjermanëve dhe jo në këtë proporcion.

Pas “pastrimit” nga të dalat e detyrueshme (tatimet, sigurimi shëndetësor) një familjeje zvicerane i mbeteshin 51.282 franga në vit për të jetuar.  

Afërsisht tri të katërtat e të anketuarve (mbi 16 vjeç) kanë thënë se janë ë kënaqur me jetën e tyre në përgjithësi.