Fotolajmi
Zvicra ekstradon në SHBA zyrtarin e FIFA-s
Autoritetet zvicerane kanë ekstraduar në Shtetet e Bashkuara të Amerikës një nga 7 zyrtarët e FIFA-s, të cilët në maj janë arrestuar nën dyshimin për korrupsion.
Ministria e Drejtësisë e Zvicrës nuk e ka zbuluar emrin e të ekstraduarit, përveçse tha se ishte shoqëruar nga tre oficerë të policisë amerikane dhe ishte transferuar në Nju-Jork.
Edhe pse identiteti nuk ishte zbuluar, mediet kanë lakuar emrin e Jeffrey Webb nga Ishujt Kajman.
Ai është një ish-kryetar i Federatës së Futbollit në Amerikën Qendrore dhe të Veriut. Ai dyshohet nga zyrtarët amerikanë se ka marrë ryshfet në dhjetëra miliona dollarë për të shitur të drejtat e marketingut.
Është e paqartë se çfarë do të jetë fati i të tjerëve dhe nëse ata do të ekstradohen, sepse Cyrihu ka nisur procedurat ligjore kundër transferimit të tyre në Shtetet e Bashkuara.
Të gjithë shtatë zyrtarët janë arrestuar nga policia zvicerane me urdhër të Departamentit Amerikan të Drejtësisë më 27 maj, vetëm dy ditë para Kongresit të FIFA-s, kur ishte zgjedhur president i organizatës Botërore të Futbollit.
Urdhri është lëshuar pas hetimeve amerikane nga FBI për korrupsion në “Shtëpinë e Futbollit” në Cyrih, pasi një ish-zyrtar i futbollit amerikan, i akuzuar në SHBA për evazion fiskal, u pajtua që të bashkëpunonte me policinë duke zbuluar detajet e korrupsionit në FIFA.
Të tjera nga Fotolajmi
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën