Zvicra i bllokon llogarinë përfaqësuesit rus në selinë e OKB-së, në Gjenevë

Ajo u bllokua për shkak të statusit zyrtar të kreut të misionit diplomatik. Nuk dihet se për cilën bankë bëhet fjalë

Është bllokuar llogaria private zvicerane e Genadi Gatilov, përfaqësuesit rus të OKB-së në Gjenevë, raporton agjencia ruse e lajmeve RIA Novosti, transmeton albinfo.ch. Nuk dihet se për cilën bankë bëhet fjalë.

Llogaria është përdorur, ndër të tjera, për të mbuluar shpenzimet mjekësore. Ajo u bllokua për shkak të statusit zyrtar të kreut të misionit diplomatik, shkruan përfaqësia ruse në selinë e OKB-së në Gjenevë.

Jeta e përditshme është bërë më e vështirë nga bllokimi, sipas misionit të përmendur diplomatik, thuhet në një njoftim të publikuar në srf.ch.

Në fillim të korrikut Zvicra kishte ngrirë asetet ruse me vlerë 6.7 miliardë franga zvicerane.

---