Lajme

Zvicra shqyrtonon shitjen e miliona dozave të vaksinave AstraZeneca

Zvicra aktualisht po heton shitjen e 5.3 milionë dozave të vaksinës AstraZeneca që ra dakord të blinte. Zvicra nuk pranoi të miratojë vaksinën në shkurt

Qeveria Zvicerane dëshiron të shesë 5.3 milionë doza që kishte paguar tashmë, sipas një artikulli në “NZZ am Sonntag”.

“Tani jemi duke shqyrtuar shitjen e materialit”, tha Nora Kronig, zëvendës drejtore e Zyrës Federale të Shëndetit Publik.

NZZ pretendon se vendimi u mor sepse “vaksina e AstraZeneca ka një reputacion të keq”.

“Në situatën aktuale, Zvicra nuk varet nga vaksinat nga AstraZeneca”, tha Kronig, përcjell albinfo.ch.

Fillimisht, vaksina AstraZeneca pritej të përbënte rreth një të shtatën e dozave totale të vaksinave të Zvicrës.

Sidoqoftë, në fillim të shkurtit, agjencia rregullatore Swissmedic tha se “të dhënat aktualisht në dispozicion nuk tregojnë për një vendim pozitiv në lidhje me përfitimet dhe rreziqet” e kësaj vaksine.

Vaksinat nga katër prodhues të tjerë janë aprovuar për përdorim në Zvicër. Ata janë Pfizer / BioNtech, Moderna, Curevac dhe Novavax.

Deri më tani vetëm dy vaksina janë administruar në Zvicër: ato nga Pfizer / BioNtech dhe Moderna.

Deri më tani nuk ka pasur indikacione se kush do të ishte marrësi i mundshëm i 5.3 milionë dozave, ose në cilat rrethana dhe kushte do të bëhej shitja.