Zvicra kualifikohet, shënojnë Mehmedi dhe Kasami

Keystone

Zvicra ka siguruar kualifikimin në Kampionatin Evropian që do të mbahet vitin e ardhshëm në Francë, duke e turpëruar San Marinon me rezultatin 7 me 0. Ky kualifikim u bë i mundshëm falë barazimit 1 me 1 të Sllovenisë kundër Lituanisë.

Me këtë fitore ekipi helvetik do të shkoj ëi qetë në Estoni për të zhvilluar edhe ndeshjen e fundit e cila do të zhvillohet të hënën në mbrëmje.

Edhe pse pa Shaqirin, Xhakën, Behramin Xhemailin e lojtarë të tjerë të ekipit standard të Zvicrës, ata ia dolën ta shpartallojnë ekipin mysafir. Në këtë ndeshje prej lojtarëve shqiptarë luajtën Admir Mehmedi dhe Pajtim Kasami të cilët duke shënuar nga një gol, kontribuuan në rezultatin prej 7 me 0.