Zvicra ka masa të pamjaftueshme kundër pirjes së duhanit

pixabay

Taksat e larta dhe çmimet e larta të cigareve shkojnë paralelisht me konsumin më të ulët të duhanit, tregojnë studimet, transmeton albinfo.ch.

Sidoqoftë, Zvicra ka barrën e përgjithshme tatimore më të ulët për cigaret në Evropë.

Gjithashtu, krahas Gjermanisë, Zvicra ka masat më të dobëta të kontrollit të duhanit. Kështu pretendojnë Liga Zvicerane e Mushkërive, Shoqata Zvicerane për Parandalimin e Pirjes së Duhanit dhe Universiteti i Shkencave të Aplikuara të Cyrihut, në një studim të ri krahasues.

Në fillim të kësaj jave, Shoqata Zvicerane për Kontrollin e Duhanit bëri thirrje tashmë për një rritje të taksave për cigaret – 14 franga, krahasuar me 8 aktualisht – si një mënyrë për të parandaluar njerëzit nga pirja e duhanit. Sipas planit, çmimi i paketës më të lirë do të rritet nga 5.50 franga deri në 10.20.

“Krahasuar me nivelin e pagave dhe kostove në Zvicër, 5,50 franga për një paketë cigare është e lirë”, tha Wolfgang Kweitel, kreu i marrëdhënieve publike në grupin kundër duhanit.

Rritja e çmimit shkakton ulje të numrit të duhanpirësve, sipas studimeve, tha ai.