Shqipëria
Zvicra mbështet tjetër projekt në Shqipëri me 3.2 milionë franga
SALSTAT është pjesë e projektit më të gjerë ‘Bashki të Forta”, i financuar nga Agjencia Zvicerane për Zhvillim dhe Bashkëpunim (SDC) dhe ekspertiza do të sigurohet nga Zyra Federale e Statistikave Zvicër
Gjatë katër viteve të ardhshme statistikat vendore do të pësojnë ndryshime përmes projektit të ri SALSTAT.
Projekti i financuar nga Zvicra kap vlerën e 3.2 milionë franga zvicerane dhe vjen si një bashkëpunimi i INSTAT dhe Zyrës Federale të Statistikave Zvicër.
Ishte drejtoresha e INSTAT, Delina Ibrahimaj, ajo e cila njoftoi lansimin e projektit, që u prezantua nga drejtori i Përgjithshëm i Zyrës Federale të Statistikave Zvicër, Georges-Simon Ulrich, përcjell albinfo.ch.
I pranishëm në lansimin e programit ishte edhe ambasadori zviceran në Shqipëri, Christoph Graf Good, i cili u shpreh se pret që ky projekt të krijojë një sistem të dhënash modern dhe të aksesueshëm për përdoruesit në nivel vendor.
“Vendimet e mira bazohen në evidencë, dhe evidenca bazohet në të dhëna, fakte dhe shifra. Të dhënat e besueshme janë gurët e qoshes për vendim-marrjen e bazuar në evidencë. Këtu në Shqipëri, është veçanërisht në nivel vendor ku të dhënat konkrete dhe të besueshme mbeten të rralla”, është shprehur ai.
Ndërkohë, drejtoresha e INSTAT, Ibrahimaj tha se qëllimi i vetëm i projektit është sigurimi i shërbimeve më të mira publike për komunitetin.
Ministri i Financave dhe Ekonomisë së Shqipërisë, Arben Ahmetaj ishte gjithashtu i pranishëm në prezantimin e projektit, i cili u shpreh se “INSTAT” është tashmë një institucion i pavarur.
Përmes tij do të ndërtohen statistika të bazuara mbi regjistra në nivel bashkie dhe gjithashtu do të mbështesë përmirësimin e censusit kombëtar, të cilat deri më tani në Shqipëri janë kryer mbi bazën e anketimeve që përveçse janë të kushtueshme, marrin edhe shumë kohë.
SALSTAT është pjesë e projektit më të gjerë ‘Bashki të Forta”, i financuar nga Agjencia Zvicerane për Zhvillim dhe Bashkëpunim (SDC) dhe ekspertiza do të sigurohet nga Zyra Federale e Statistikave Zvicër.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf