Zvicra me shumë probleme

Lëndimet janë duke e shqetësuar shumë trajnerin Vladimir Petkoviq. Në mesin e tyre është edhe Xherdan Shaqiri, i cili ka munguar në ndeshjet e fundit për Stoke Cityn

EPA/GEORGIOS KEFALAS

Përfaqësuesja e Zvicrës po përballet me shumë probleme para ndeshjes kualifikuese kundër Letonisë, pasi shumë lojtarë janë të lënduar ose jo në formën më të mirë, shkruan ‘Blick’.

Shaqiri, Embolo, Derdiyok dhe Lacroix janë të lënduar. Gjithashtu edhe njëri nga futbollistët më të mirë të Zvicrës, Ricardo Rodriguez do të jetë jashtë fushës për disa javë. Schar, Stoker, Tarashaj, Mehmedi dhe Seferoviq janë zgjedhja e dytë, përcjell albinfo.ch.

Nëse Zvicra do të luante tani me Letoninë do të kishte shumë probleme. “Nuk kam asnjë ide si do të luanim tani”, ka thënë trajneri Vladimir Petkoviq. “Nuk e di gjithashtu se cilët lojtarë do të jenë në 23-shen e përzgjedhur”, ka shtuar ai.

Ekipi do të mblidhet të hënën në Lozanë, ku do të përgatiten për këtë ndeshje. Probleme ka edhe në vijën e mbrojtjes ku Djourou ishte rezervist për Hamburgun në ndeshjen kundër Borussia Moenchengaldbach.

Petkoviq po përballet me shumë dilema, derisa Zvicra do të ndeshet me Letoninë në një përballje shumë të rëndësishme.