Kosova
Zvicra përkrah planin për institucionalizimin e granteve të performancës komunale
Dje, 21 komunave iu dha një grant për shqyrtimin e performancës së tyre të mirë. Zvicra beson se çmimi i dorëzuar dje do të shërbejë si frymëzim dhe motivim për komunat e tjera për përmirësimin e performancës së tyre në dobi të qytetarëve të tyre, transmeton albinfo.ch.
“Inkurajojmë të gjitha komunat që të mundësojnë angazhimin e zgjeruar të qytetarëve të tyre në jetën publike, për shembull, përmes digjitalizimit të shërbimeve komunale”, shkruhet në një postim tek Ambasada e Zvicrës në Kosovë.
Zvicra mirëpret planin e Qeverisë së re për institucionalizimin e skemës së granteve të performancës komunale.
Vlen të theksohet se kryeministri Albin Kurti i ka dorëzuar dje çmimin për performancën më të mirë kryetarit të komunës së Drenasit, Ramiz Lladrovci. Lladrovci këtë çmim ia ka dedikuar ish-kryetarit të PDK-së, Kadri Veseli, por nuk e ka falënderuar kryeministrin Kurti, i cili ia ndau çmimin.“Drenasi është komuna me performancën më të mirë për vitin 2019. Me shumën e buxhetit shtesë të fituar, do të zbatojmë projekte në interes të qytetarëve, të vlerësuara si më të nevojshmet, me prioritet. Falënderoj qytetarët për bashkëpunim dhe zyrtarët e komunës, të cilët me përkushtim kanë arritur këtë performancë të vlerësuar si më të mirën në vend. Jemi të parët. Faleminderit të gjithëve, ashtu siç e falënderoj ekipin vlerësues të performancës! Këtë sukses ia dedikoj motivuesit dhe përkrahësit tim më të madh për zbatimin e ligjit dhe transparencës, z. Kadri Veseli”, ka shkruar Lladrovci.
Të ngjashme
Të tjera nga Kosova
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën