Kosova
Zvicra ndihmon në vlerësimin e QMF-ve në 12 komuna
Zvicra do të ndihmoj Komunat e Kosovës në vlerësimin e Qendrave të Mjekësive Familjare.
Ministri i Shëndetësisë, Uran Ismaili ka njoftuar se së bashku me Agjencinë Zvicerane për Zhvillim dhe Bashkëpunim do ta bëjnë vlerësimin e hollësishëm të të gjitha qendrave të mjekësisë familjare në të gjitha komunat e Kosovës.
Ai ka njoftuar se për këtë projekt është diskutuar me përfaqësuesit e të gjitha komunave të Kosovës i cili tha se do të ndihmoj të identifikohet gjendjen e të gjitha qendrave të mjekësisë familjare.
“Projekti do të vlerësoj resurset njerëzore, infrastrukturën, standardet e higjienës dhe sigurisë, pajisjet mjekësore esenciale ekzistuese, si dhe kënaqshmerinë e pacientit. Synojmë që të gjitha komunat e Kosovës të kenë rritje dhe uniformitet të shërbimeve mjekësore në kujdesin parësor shëndetësor. Shëndeti i qytetarit tejkalon politikën ditore dhe ndasitë partiake”, ka thënë ai.
E ambasadori i Zvicrës në Kosovë, Jean-Hubert Lebet, në këtë takim ka thënë se për përmirësim të kujdesit parësor shëndetësor duhet të plotësohen tri parakushte që sipas tij janë “vullneti politik, mbështetja financiare dhe ajo teknike”.
“Zvicra e mbështet kujdesin parësor shëndetësor në 12 komunat partnere dhe është një bërthamë e këtij koncepti që të përmirësojmë cilësinë e shëndetit. Fryma e këtij projekti është që të dëgjojmë për pacientin dhe këtë mund ta bëjmë vetëm prej juve. Çfarë po ndodh këtu dhe si të ballafaqohemi me komunat e juaja”, ka thënë ambasadori.
Në emër të asociacionit të komunave ka folur kryetar i komunës së Podujevës, Agim Veliu i cili tha se ka dallime të mëdha në mes të komunave. Programi për kujdesin parësor shëndetësor pritet të fillojë në vitin 2019.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Sa aktivë janë spiunët kinezë në Zvicër? Këto ditë ka pasur disa arrestime në Gjermani për spiunazh të dyshuar për Kinën dhe një...
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve