Lajme
Zvicra shtrëngon masat deri më 23 dhjetor, për t`i zbutur ato në Krishtlindje
Me kufizimet e reja duhet të zvogëlohen infeksionet me koronavirus deri në Krishtlindje në mënyrë që pastaj të bëhet i mundur festimi familjar pa brenga

Ministri i Shëndetësisë, Alain Berset planifikon të shtrëngojë masat e koronavirurit deri në Krishtlindje. Por vetë festa familjare do të mundësohet të festohet pa shumë telashe
BAG u ka dërguar të hënën kantoneve një deklaratë rreth kufizimeve të reja. “TagesAnzeiger” raporton rreth kësaj, duke u shprehur se e disponon dokumentin përkatës.
Në këtë dokument shihen masa të reja për takimet në familje private dhe restorante, transmeton albinfo.ch. Këto masa do të ashpërsohen dhe si të tilla do të vlejnë deri më 23 dhjetor.
Me kufizimet e reja duhet të zvogëlohen infeksionet me koronavirus deri në Krishtlindje në mënyrë që pastaj të bëhet i mundur festimi familjar pa brenga, pa u frikësuar për ndonjë rritje më të madhe të numrit të infeksioneve.
Kjo masë mbështetet në të ashtuquajturën “mini karantinë” që po zbatohet në Gjermani, transmeton albinfo.ch. Por versioni gjerman është megjithatë pak më i rreptë: ai lejon që për të festuar Krishtlindjen të takohen vetëm pesë persona nga dy familje. Në Zvicër, do të lejohen maksimalisht 10 persona nga dy familje.
Sipas dokumentit në fjalë pritet të ketë gjithashtu një zbutje të orarit të hapjes së lokaleve, në prag të Vitit të Ri, përcjell albinfo.ch. Ndërmarrjet hotelierike në natën festive do të lejohen të qëndrojnë të hapura deri në orën 01:00. Aktualisht ato lejohen të punojnë deri në orën në 23:00 ndërsa në kantonin e Bernës madje, vetëm deri në orën 21:00.
Numri i rasteve të koronavirusit kohët e fundit është zvogëluar pak pas një rritje të mprehtë që kishte ndodhur në fund të tetorit. Mirëpo rënia është ngadalësuar dhe aktualisht numrat mbeten megjithatë në një nivel të lartë.
LAJME INTERESANTE NGA INTERNETI
E-Diaspora
-
Algoritmet-protokollet e mjekëve nga diaspora nisen për në Kosovë Letër e gadishmërisë së bashkëpunimit të "Mjekëve Shqiptarë në Europë" drejtuar Kryeministrit dhe Ministrit së Shëndetësisë...
-
Një yll Michelin dhe 17 pikë për restorantin e Agron Lleshit
-
Gërvalla: Mërgata ka për qëllim të shpëtojë Kosovën nga plaçkitësit
-
134 mijë aplikacione nuk janë hapur ende nga KQZ-ja për votim nga diaspora
-
Besim Ramadani, menaxher i 44 filialeve të “Coop”-it në Cyrih
Jeta në Zvicër
-
Kapet zvicerania me 226.000 franga dhe makinën e numërimit të parave në veturë Një shtetase zviceran është përpjekur të kontrabandonte 226,020 frangash përtej kufirit në doganat në Chiasso-Brogeda...
-
I shet qeverisë zvicerane 700 mijë maska false: Ndiqet kompania
-
Deri në verën e këtij viti, Zvicra do t’i vaksinojë të gjithë
-
Një yll Michelin dhe 17 pikë për restorantin e Agron Lleshit
-
Zvicra dhe Austria kanë kryer nga 4 milionë testime për Covid