Koronavirusi: çast pas çasti

Zvicra shtrin kontrollet kufitare me të gjitha shtetet e Shengenit

Qeveria zvicerane ka shtrirë kufizimet e hyrjes për të gjitha shtetet e Shengenit. Kjo do të rrisë mbrojtjen e dhënë popullatës kundër koronavirusit

Javën e kaluar Këshilli Federal (organi ekzekutiv) vendosi kufizime për hyrjen me tokë dhe me ajër nga Italia, Franca, Gjermania, Austri dhe Spanja, dhe nga të gjitha shtetet jo-Shengen.

“Që nga mesnata, këto kërkesa më të rrepta të hyrjes do të aplikohen edhe për fluturimet nga të gjitha shtetet e Shengenit, me përjashtim të Principatës të Lihtenshtajnit. Autoritetet përkatëse në BE janë njoftuar për ndryshimet”, tha qeveria, përcjell albinfo.ch.

Qytetarët e Zvicrës dhe Lihtenshtajni, njerëzit me leje qëndrimi në Zvicër dhe njerëzit që duhet të udhëtojnë në Zvicër për arsye të lidhura me punën ose për shkak të një emergjence do të vazhdojnë të lejohen të hyjnë në vend.

Udhëtarët mund të vazhdojnë të kalojnë tranzit nëpër Zvicër dhe lëvizjet e mallrave janë ende të lejuara.