Lajme

Zvicra, vendi evropian që shpenzon më shumë për kujdesin shëndetësor

E hënë, 17 Nëntor 2025 - 21:20 albinfo.ch

(KEYSTONE/Christian Beutler)

Zvicra është ngritur në krye të renditjes evropiane për shpenzimet në kujdesin shëndetësor. Sipas Eurostat, zyra statistikore e Bashkimit Evropian, në vitin 2023 në Zvicër janë shpenzuar rreth 10,000 franga për frymë për shëndetësinë. Në krahasim, mesatarja e BE-së është rreth 3,500 franga, transmeton albinfo.ch.

Edhe kur bëhet rregullimi sipas paritetit të fuqisë blerëse, Zvicra mbetet lideri në Evropë për vitin 2023. Krahasimet sipas paritetit të fuqisë blerëse marrin parasysh ndryshimet në nivelin e çmimeve midis vendeve.

Sipas të dhënave, pas Zvicrës renditen Lihtenshtajni (rreth 9,746 franga) dhe Luksemburgu (rreth 6,356 franga). Gjermania shpenzon rreth 5,446 franga për frymë, Franca rreth 4,023 franga dhe Italia rreth 2,847 franga.