Bota
BE-ja për dhjetë muaj ka siguruar gjysmën e tre miliardë eurove për refugjatët
Bashkimi Evropian vetëm dhjetë muaj pas marrëveshjes së nënshkruar me Turqinë për t’u marrë me krizën e refugjatëve dhe për të ndaluar fluksin e emigrantëve të paligjshëm, kishte siguruar gjysmën e premtuar të tre miliardë eurove, njofton Komisioni Evropian, përcjell albinfo.ch.
Turqit kanë marrë vetëm 1.45 miliardë nëpërmjet 37 projekteve, nga të cilat 748 milionë janë realizuar pagesat direkte.
Kjo u njoftua në mbledhjen e pestë të Komitetit Drejtues të Fondit për refugjatë në Turqi, të mbajtur në Bruksel, ku ka pasur përfaqësues të Komisionit Evropian, shteteve anëtare të Bashkimit Evropian, si dhe përfaqësues të Turqisë.
Si kryetar i këtij bordi, Komisioni Evropian njoftoi se ka bërë progres, duke pasur parasysh nënshkrimin e kontratës me vlerë mbi 200 milionë eurove për të ndërtuar dhe për të pajisur shkollat për fëmijët e refugjatëve dhe për të rritur ndihmat humanitare për refugjatët nëpërmjet sistemit emergjent të sigurisë sociale.
Eurokomisari për negociata dhe zgjerim, Johannes Hahn, tha se Bashkimi Evropian vazhdon të përmbushë detyrimet e tij për të siguruar mbështetje për refugjatët sirianë dhe komunitetin pritës në Turqi.
“Kohët e fundit kemi nënshkruar kontrata me vlerë mbi 200 milionë euro për të rritur infrastrukturën arsimore, ndërtimin dhe pajisjen e shkollave dhe për të lehtësuar qasjen në arsim për dhjetëra-mijëra fëmijë refugjatë. Bashkimi Evropian siguron një shans për një jetë më të mirë për refugjatët e rrezikuar në Turqi”, tha Hahn.
Të tjera nga Bota
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën