Bota
BE: Shumë fëmijë refugjatë, në duart e kontrabandistëve
Avramopoulos u bëri thirrje vendeve anëtare të Bashkimit për të bërë më shumë për të ndaluar trafikimin e fëmijëve emigrantë të pashoqëruar nga të rriturit
Komisari për Migrim, Dimitris Avramopulos, paralajmëroi se shumë fëmijë emigrantë kanë rënë në duart e kontrabandistëve dhe trafikantëve, madje shumë prej tyre janë abuzuar seksualisht.
Për këto arsye Avramopoulos u bëri thirrje vendeve anëtare të Bashkimit për të bërë më shumë për të ndaluar trafikimin e fëmijëve emigrantë të pashoqëruar nga të rriturit.
Përndryshe, këta fëmijë do të jenë në rrugët e qyteteve evropiane, paralajmëroi ai, duke folur në një konferencë në Maltë, pasi ministrat e brendshëm të BE-së diskutuan për krizën e emigrantëve, transmetojnë mediat franceze, përcjell albinfo.ch.
Avramopulos, atdheu i të cilit, Greqia, është goditur rëndë nga vala e refugjatëve dhe emigrantëve që u larguan nga lufta në Siri dhe vende të tjera, ka thënë se vendet anëtare të BE-së “duhet të marrin përgjegjësi”.
“Disa politikanë janë të mirë në retorikë, por jo me vepra”, përfundoi ai.
Të dhënat e BE-së tregojnë se në vitin 2015 rreth 90 mijë fëmijë të pashoqëruar kanë hyrë në Evropë dhe agjencia e policisë evropiane “Europol” një vit më parë tha se rreth 10.000 fëmijë të emigrantëve janë zhdukur, duke paralajmëruar se shumë fëmijë mund të kenë rënë në duart e trafikantëve.
Të tjera nga Bota
E-Diaspora
-
Mitrovicasi Semir Aliti nënshkroi kontratë me ekipin holandez, PSV Ky është “Iniesta i Mitrovicës” që ka nënshkruar kontratë me PSV-në...
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën