Lajme

Digjet stalla me 28 krerë lopë brenda

28 krerë lopë i janë djegur fermerit Muhamet Zeqiri nga fshati Babush i Lipjanit, pasi stalla e tyre mbrëmë rreth orës 24 u përfshi nga flaka. Pronar i fermës dyshon që shkaktar i zjarrit është rryma

Një zjarr që kishte përfshirë stallën e bagëtive në rajonin e Lipjanit, ka përfunduar me fatalitet për fermerin Muhamet Zeqiri, të cilit përveç dëmeve materiale, i janë djegur edhe 28 krerë lopë. Stalla u përfshi nga flakët rreth orës 24:00, prandaj edhe intervenimi ishte shumë i ngadalshëm, si nga banorët e po ashtu edhe nga zjarrfikësit.

Ngjarja ndodhi mbrëmë në mesnatë në fshatin Babush i Muhaxhirëve derisa nga ky zjarr shpëtoi vetëm një lopë dhe dy viça.

“Vetëm prej rrymës, se s’ka pas kush me hy me i kall lopët. Vonë ka qenë kur jam dal vetëm sa e kishte kaplue flaka. Mezi e kam hapur derën dhe kanë dal viçat dhe një lopë më nuk ka pasur mundësi të futemi brenda”, deklaroi Muhamet Zeqiri pronar I fermës.

Organet Komunale të Lipjanit kanë dal në vendin e ngjarjes dhe po i kryejnë vlerësimet lidhur më dëmin e shkaktuar, citon KP.

Feti Krasniqi, drejtori i Bujqësisë në Lipjan tha se fillimisht u vjen keq që ka ndodhur kjo, sepse është fermer potencial në listat e fermerëve të komunës së Lipjanit. Ai tha se do të bëjnë përpjekje që me qetësi ti bëjnë vlerësimin real dhe me ato kapacitete që kanë t’i dalin në ndihmë këtij fermeri. Dëmet materiale konsiderohen të mëdha kurse policia është duke i bërë hetimet për të gjetur shkaqet e shkaktimit të zjarrit.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/digjet-stalla-me-28-krere-lope-brenda/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.