Integrimi
Gazmend Freitag hap ekspozitën e tij të parë personale në Vjenë
Ekspozita me titullin “Schöne Momente/ Momente të bukura” hapet më 22 tetor dhe do të qëndrojë e hapur deri më 15 janar të vitit 2016
Piktori shqiptar që krijon në Austri, Gazmend Freitag do të hapë më 22 tetor ekspozitën e tij të parë personale në Vjenë. Ai, në kuadrin e galerisë “SVA Kunstplatz” do të prezantojë një përzgjedhje reprezentative të pikturave të tij në vaj si dhe vizatimeve me tush dhe me laps të realizuara viteve të fundit.
Gazmend Freitag praktikon të pikturojë ose të vizatojë me ndjeshmëri të hollë peizazhe nga vandlindja e tij ose motive nga mitologjia por edhe akte dhe portrete në piktura në vaj, vizatime me tush dhe me laps. Shumë nga krijimet e tij në ekspozitën “Momente të bukura” janë të realizuara në stilin e modernes klasike në një kombinim në mes të impresionizmit dhe ekspresionizmit, të frymëzuara nga rrënjët e tij kosovare, pasionit të tij për Francën dhe nga përvojat e tij të përditshme në Austri.
Gazmend Freitag vjen nga Kosova ku është i lindur në vitin 1968. Zhvillimet politike të fillimit të viteve `90, gjegjësisht shtypja që pe¨rjetoi Kosova duke iu mbyllur edhe Universiteti i Prishtinës e shtynë atë të emigrojë fillimisht në Gjermani, ku fillonm t`i përkushtohet ëndrrës së tij fëmijërore, pikturimit.
Nga viti 2004 Gazmend Freitag jeton në Linz të Austrisë ku është i pranishëm në ekspozita dhe panaire artesh në nivel kombëtar dhe ndërkombëtare.
Ekspozita që mban titullin në gjermanisht dhe shqip “Schöne Momente/ Momente të bukura” do të qëndrojë e hapur deri më 15 janar të vitit 2016. Ajo mund të vizitohet: të hënave nga ora 7:30 deri në orën 18:30; të marteve (7:30 – 14:30) dhe të premteve (7:30-13:30).
Në vernisazhin ku laudation do ta mbajë Ursula Pfeiffer do të jetë i pranishëm edhe zëvendëskryetari i komunës, Alexander Herzog.
Në kuadrin e hapjes së ekspozitës do të ketë edhe një koncert me bendin SolidTube (Blues-Rock unplugged).
Për informata: Sozialversicherungsanstalt der gewerblichen Wirtschaft
GBK Stabsstelle Public Relations
Wiedner Hauptstraße 84-86, 1051 Wien. Kontakt-Person:
Dipl.-Sozw. Yumiko Ishii
Organisatorin
Telefon: 05 08 08-3470
E-Mail: e-Mail
Web: http://www.svagw.at/kunstplatz
Info rreth ngjarjes
- Data e fillimit22 Tetor 2015
- Ora09:00
- LokacioniVjenë
- Data e përfundimit28 Tetor 2015 - 0:00
E-Diaspora
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro Bëhet e ditur se rreth 88 milionë euro është vlera preliminare e dërgesave të mërgatës që...
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
Jeta në Zvicër
-
Qytetarët e Lihtenshtajnit dhe Zvicrës kanë pagën më të lartë Një studim i GfK-së tregon se qytetarët e Lihtenshtajnit kanë pagën më të lartë në Evropë....
-
Ja si duken fanellat e reja të Zvicrës në Kampionatin Evropian
-
Ndërprerje e transportit publik në Gjenevë
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria