Lajme
Grupi shqiptar dënohet me 81 vite burg, akuzohej për trafikim të substancave narkotike
Arrestohen gjashtë persona të cilët sillnin drogën me kamione me targa të Maqedonisë në Britani.
Komanda e luftës kundër krimit të organizuar të Policisë Metropolitane, pas gjashtë muajsh mbikëqyrje ka kapur një grup kriminal shqiptarësh, ndërsa më pas gjykata në Londër i ka dënuar me 81 vite burg në total. Ata shpërndanin heroinë dhe kokainë në Britaninë e Madhe.
Vlera e drogës së kapur, e jo ajo që mund të kenë trafikuar më herët, shkonte në mbi dy milionë stërlina. Droga vinte në Angli me kamionë me targa maqedonase dhe shoferë shqiptarë të Maqedonisë, të cilët me sa duket ishin në përgjim nga agjencitë ligjzbatuese.
Ata, pasi dorëzonin drogën merrnin mbrapsht edhe sasira të mëdha parash “cash”, në disa qindra mijëra stërlina, produkt të aktivitetit të tyre kriminal. Pas arrestimeve, dedektivët arritën të kapnin 50 kg drogë të klasit të parë, ndërkohë që gjithçka filloi në janar të vitit të kaluar, kur u pikas shkëmbimi i parë i 7 kg heroine.
Dy nga shqiptarët dhe një anglez, pjesëtarë të rrjetit kriminal, e pranuan fajësinë, ndërkohë 3 të tjerë e sfiduan fajësinë në gjykatë, e cila iu shqiptoi dënime nga 18 deri 22 vite burg.
“Dënimet reflektojnë nivelin e kriminalitetit të të pandehurve dhe duhet parë si masë frenuese për ata që janë të përfshirë në importimin dhe shpërndarjen e drogës së klasit të parë në Britani,” tha kryeinspektorja e çështjes Samantha Cailes.
Të tjera nga Lajme
E-Diaspora
-
Mitrovicasi Semir Aliti nënshkroi kontratë me ekipin holandez, PSV Ky është “Iniesta i Mitrovicës” që ka nënshkruar kontratë me PSV-në...
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën