Bota
Kompania ajrore artistike
Kompania e re ajrore e prezantuar në aeroportin Teterboro në New Jersey po ashtu është vepër e artit, transmeton albinfo.ch.
Angelhala Airlines është kompani e artistes kineze dhe koreografes, Kin-min Liu e cila është duke punuar në këtë projekt tashmë pesë vjet dhe kjo kompani do të transportojë adhurues të artit në ngjarje të ndryshme në botë. Të mërkurën ndodhi fluturimi i parë nga ky aeroport drejt panairit të quajtur Art Basel në Miami.
Liu shpjegoi se vet kompania ka performancë të artit, ku gjithçka është e rregulluar për udhëtarët. Ajo për herë të parë foli për këtë projekt në televizionin kinez ku ishte prezantuar një video e shkurtër.
“Parimisht kur i shihni lajmet rreth kësaj kompanie ajrore tashmë jeni pjesë e performancës sime”, shpjegoi Liu, duke shtuar se kompania e saj do të sjellë energji pozitive për secilin udhëtar.
Gjashtë udhëtarë përfshirë vet artisten udhëtuan drejt Majamit, gjatë së cilit fluturim ajo këndonte për udhëtarët dhe bëri një paralajmërim.
“Shërbimet të gjitha janë paraqitje. Unë jam këtu si stjuardesë dhe do t’i shërbejë udhëtarët”, tha ajo.
Ajo po ashtu shtoi se Angelhaha Airlines është përgjigje ndaj industrisë aktuale të aviacionit, ku udhëtarët u nënshtrohen kontrolleve të shumta në aeroporte dhe ulën në ulëse të ngushta dhe të parehatshme.
Aktualisht udhëtimi me këtë kompani s’është aq i lirë dhe një drejtim kushton rreth 3500 dollarë për person, ndonëse çmimi varion nga destinacioni.
E-Diaspora
-
“Dardania” nga Winterthuri shkëlqen në festivalin “Hasi Jehon 2024” Nata e tretë ishte radha e SHKA “Dardania”, edhe atë e fundit...
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
Jeta në Zvicër
-
Procedura 24 orëshe – 40 për qind më pak kërkesa për azil Kërkesat për azil nga shtetet e Magrebit dhe Libia ranë me rreth 40 për qind në...
-
Zvicër: Azilkërkuesit e mitur sulmojnë njëri-tjetrin me thika
-
Gjeneva do të votojë për ndalimin e simboleve të urrejtjes
-
Edhe 56-vjeçarët duan t’i bashkohen policisë së qytetit të Cyrihut
-
Pensioni i 13-të i AHV mund të paguhet përnjëherë në fund të vitit