Kultura
Lorena Beadini, talentja e re e muzikës
Mësuesja e saj e ka vlerësuar lart talentin që ajo ka për muzikë. Vitin e kaluar ajo e paraqiti në një spektakël muzikor "Zentralschweiz Talentshow" ku Lorena u radhit si finaliste
Lorena Beadini është 13-vjeçare. Është e lindur në Zvicër, ndërsa prindërit e saj janë nga Maqedonia. I ati është nga Tetova, ndërsa nëna nga Shkupi. Lorena është një nga talentet shqiptare që pritet të bëhet një emër i njohur në botën e muzikës.
Që në fëmijëri u dallua për talentin e saj muzikor. Në moshën 6-vjeçare asaj iu dha rasti të këndojë para publikut. Me zërin e fuqishëm Lorena Beadini mori duartrokitje të gjata nga publiku zviceran.
Lorena prej vitesh vijon shkollën e muzikës. Mësuesja e saj e ka vlerësuar lart talentin që ajo ka për muzikë, saqë vitin e kaluar e paraqiti në një spektakël muzikor “Zentralschweiz Talentshow”. Lorena u radhit si finaliste e kësaj gare, e cila u mbajt në nëntor të vitit të kaluar, në kantonin Zug. “Pjesëmarrja në këtë garë ishte një kënaqësi për mua. Unë u jam shumë mirënjohëse gjithë atyre që më kanë përkrahur të bëj hapat e parë në këndim dhe më kanë dhënë rast që të dal para një publiku aq të madh”, thotë ajo për “albinfo.ch”.
Lorena falënderon organizatorin e këtij spektakli, Erich Hunkeler, nga shkolla e muzikës e qytetit Zug, mësuesen e saj, Teresa Kressig, e cila e ndihmon gjithmonë në ushtrimin e zërit si dhe prindërit, e në veçanti nënën e saj, e cila e përkrah dhe i qëndron pranë në çdo hap.
Një herë në javë Lorena shkon në orën e muzikës për të ushtruar për piano. Këndimin dhe muzikën e ka pasion, por nuk i lë anash as mësimet. Sipas saj, mësimet janë primare, prandaj atyre u kushton edhe shumë rëndësi.
Lorena thotë se mund të këndojë në disa gjuhë të huaja, por edhe në shqip. “Përpos gjuhës angleze, unë këndoj edhe në gjuhën spanjolle, italiane, frënge, por gjithsesi edhe në gjuhën shqipe”, shprehet ajo.
Ajo tregon se nuk ka frikë kur del para publikut, madje kjo për të është vetëm kënaqësi.
“Kam pasur rastin të dal disa herë para publikut dhe gjithçka ka qenë një përvojë e mirë për mua. Jam shfaqur para publikut në një festë të madhe në qytetin e Luzernit, siç është “Luga”, pastaj më 2 korrik në “Open Air Seefest” në Zug si dhe në shumë shfaqje të tjera televizive”.
Gjatë muajve të ardhshëm do të fillojnë menjëherë përgatitje të projekteve dhe këngëve të reja, por Lorena ende ka një dëshirë në sirtar: “Dëshira ime është që të këndoj para publikut shqiptar”.
Dëshiron të këndojë para publikut shqiptar
Lorena thotë se mund të këndojë në disa gjuhë të huaja, por edhe në shqip. “Përpos gjuhës angleze, unë këndoj edhe në gjuhën spanjolle, italiane, frënge, por gjithsesi edhe në gjuhën shqipe. Dëshira ime është që të këndoj para publikut shqiptar”, shprehet ajo.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën