LIVE STYLE

Netflix’ përjashton nga puna edhe Danny Masterson

Aktori Danny Masterson është përjashtuar nga seria komike e platformës Netflix, ‘The Ranch’, njoftoi kompania.

Netflix nuk ka dhënë arsye përse Masterson s’do të jetë më pjesë e serisë, por sipas policisë së Los Angelesit, qysh nga muaji mars aktori po hetohet për sulme seksuale ndaj tri grave qysh në fillim të viteve 2000.

“Si rezultat i diskutimit të vazhdueshëm, Netflix dhe producentët kanë përjashtuar Danny Mastersonin nga seria”, shkruan në njoftim. ‘Dita e martë ishte dita e tij e fundit në këtë seri dhe produksioni do të rifillojë në vitin 2018 pa të”, shkruan tutje.

Masterson, 41-vjeçar, i ka mohuar akuzat dhe ka thënë të martën se mezi pret të pastrojë emrin e tij. Masterson e kishte filluar karrierën e tij si model fëmije, e më pas si aktor në televizionin hit të Foxit, ‘That 70s Show’.