Lajme
Qendrat kulturore do të hapen si “Shtëpi të Shqiptarëve”
''Qendrat do të funksionojë si Shtëpi të shqiptarëve, duke marrë modelin anglez e hebrej. Londra, ndëkaq është vendi i parë ku do të hapej Qendra e parë pilot'', tha Kushtrim Sheremeti nga MeD
Qendrat kulturore që do të hapen bashkërisht Kosovë-Shqipëri nëpër vendet e botës, do të funksionojnë sipas modelit britanik e hebrej. Kështu ka thënë Kushtrim Sheremeti, shef i Kabinetit në Ministrinë e Diasporës, gjatë prezantimit të hulumtimit për qendrat e përbashkëta kulturore të Kosovës dhe Shqipërisë.
“Ne, si dy qeveri, Kosova dhe Shqipëria, kemi nënshkruar një marrëveshje. Por qendrat që do të hapen nuk do të jenë 100 për qind vetëm për diasporën. Do të jenë shumë më tepër, pasi do të mund të funksionojnë edhe për diplomaci publike. Ky është konkluzioni i ekspertëve ndërkombëtarë që kanë marrë pjesë në hulumtim, Këshillit Britanik etj etj”, tha Sheremeti.
Sipas tij, janë dy probleme Aspekti konceptual i funksionimit dhe baza ligjore.
“Ne tani kemi tre qendra të hapura me status jo të definuar në të cilën kemi tre drejtor si ushtrues detyre. Gjithmonë marrim vërejtje nga auditori për rrogën e tyre e cila nuk parashihet në skemën e pagave. Por, nuk kemi mekanizëm tjetër. Por, ne jemi duke ndryshuar ligjin për diasporën dhe hulumtimi do të inkorporohet në ligj”, tha tutje Sheremeti, citon Koha.net.
Sipas tij, Qendrat do të financohen nga dy shtetet tona.
”Edhe Kosova dhe Shqipëria janë në nivel jo të mira financiarë dhe nuk do të mund të mbahen në nivelin britanik psh. Por do të fillojmë dhe presim që të financohen dhe nga skema tjera. Do të funksionojë si Shtëpia e shqiptarëve duke marrë modelin anglez, hebrej. Modelet janë dhe tani duhet të ulemi për ta implementuar. Londra është vendi i parë ku do të hapej Qendra e parë pilot, pasi edhe Këshilli Britanik ka ndihmuar në Hulumtim”, tha Sheremeti.
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën