Ekonomi
Situatë e volitshme ekonomike në Zvicër
Zvicra është në progres e sipër: Ekonomia është në rritje, shkalla e papunësisë në rënie, punëdhënësit duhet t`i paguajnë më tepër punëtorët. Në këtë mënyrë, rrogat në Zvicër po rriten
Papritmas gjithçka ishte më ndryshe: Me heqjen e nënlimitit në mes frangut dhe euros nga 1.20, në janar të vitit 2015, Banka Kombëtare zvicerane e detyroi të kursejë industrinë e eksportit. Rrogat u vunë nën presion, ndërsa personeli filloi të destrukturohej. Konsumatorët u arratisën jashtë vendit, ku çmimet ishin shumë më të lira.
Por, tani kjo është e kaluar: Euro sërish kushton 1.20 franga. Ekonomia është duke lulëzuar në tregjet zvicerane, shkruan “Blick”, përcjell Albinfo.ch.
Me frangun e dobët, produktet zvicerane sërish janë konkurruese. Industria e zhvilluar me franga zvicerane është duke shënuar fitime.
Pasi edhe në euro zonë është duke shkuar mirë dhe atje firmat po punësojnë njerëz, në Zvicër po kërkohet personel. Punëdhënësit sërish duhet të ofrojnë më shumë. Për shembull të holla. Pagat zvicerane edhe ashtu të larta, mund të rriten edhe më shumë.
Fakti se Zvicra është një vend i veçantë në çështjen e rrogave dëshmon edhe Instituti ekonomik KOF në Universitetin ETH të Cyrihut: Përderisa pjesa e pagave në të ardhurat e përgjithshme në vendet tjera, që nga viti 1980 ka rënë nga 55 në 60 për qind, në Zvicër kuota e pagës deri në vitin 2012 ka qëndruar në 65 deri 70 për qind.
Një fakt gjithashtu i rëndësishëm për Zvicrën: Që nga koha që tregtia nëpër vendet kufitare shumë më pak është fitimprurëse, ndjehet dukshëm rënia e turizmit tregtar. Turizmi i pushuesve sërish është shtuar me bujtje të vendasve. Tani, rajonet turistike mund të shpresojnë në mysafirë evropianë.
Ashtu edhe si më parë, hipotekat janë të ulëta dhe banorët nuk kanë interes të lartë në të holla, kështu që llogaritë zbrazen, bëhen huazime nga prindërit dhe zbrazen arkat e pensioni, në mënyrë që të sigurohet 20 përqindëshi i kapitalit personal, për të tubuar kapitalin e nevojshëm për ndërtimin e shtëpisë.
Ekonomia e mirë është reflektuar edhe në shkallën e papunësisë. Në muajin prill ajo ka zbritur nga 2,9 në 2,7 për qind. Një shkallë e tillë e ulët, për herë të fundit ka qenë e regjistruar në korrik të vitit 2012. Gjithsej kanë qenë të regjistruar 194.060 të papunë, që do të thotë 3,5 për qind më pak se në muajin mars.
Para shikimet e tjera janë të mira. Për gjithë vitin 2018, ekonomistët kanë parashikuar një rritje të madhe ekonomike për Zvicrën prej 2,4 për qind. Paga mesatare zvicerane në vitin 2016 ka qenë 6.502 franga, pothuajse 500 franga më e lartë se në vitin 2008.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?