Lajme
Arrestohen zyrtarët që akredituan kolegjet
Policia e Kosovës ka arrestuar dy persona nën dyshimin se janë përfshirë në korrupsion në Agjencinë Kosovare të Akreditimit të universiteteve dhe kolegjeve
Policia e Kosovës me rekomandim të Prokurorit Special ka bastisur Agjencinë Kosovare të Akreditimit si dhe ka arrestuar kryetaren e Këshillit Shtetëror të Cilësisë në Arsim të kësaj agjencie, Ferdije Zhushi- Etemi si dhe ish zyrtarin e UNDP-së i cili është pjesë e akreditimit, Armend Mujën.
Arrestimin e tyre e ka konfirmuar prokuroria speciale përmes një kumtese për medie derisa ka bërë me dije se aktvendim për fillim të hetimeve ka edhe ndaj Basri Mujës, drejtor i Agjencisë së Akreditimit.
“Prokuroria Speciale e Republikës së Kosovës, pas shqyrtimit të shkresave të lëndës, si dhe raportin mbi veprimet e ndërmarra nga Departamenti Special Antikorrupsion në Policinë e Kosovës, më 14 nëntor 2014, ka marrë aktvendim për fillimin e hetimeve kundër: B.M. zyrtar i Agjencionit Kosovar të Akreditimit, F.Zh.E. zyrtare e Agjencisë së Kosovës për Akreditim, si dhe A. M., ish zyrtar i lartë në UNDP-së”, thuhet në njoftim..
Sipas Prokurorisë, hetimet janë duke vazhduar edhe ndaj Basri Mujës, drejtor i Agjencisë së Akreditimit.
Për të pandehurit, siç thuhet ekziston dyshimi i bazuar, se kanë keqpërdorur pozitën e tyre zyrtare, duke shfrytëzuar detyrën dhe autoritetin zyrtar, me qëllim që të përfitojnë dobi në mënyrë të drejtpërdrejt dhe të tërthortë, duke kërkuar përfitime në të holla nga disa pronarë të universiteteve private.
“Me këtë të pandehurit B.M. dhe F.Zh.E. në vazhdim dhe bashkëkryerje kishin për të kryer veprën penale keqpërdorim i pozitës apo autoritetin zyrtar të Kodit Penal të Republikës së Kosovës, si dhe së bashku me të pandehurin A.M. në vazhdim dhe në bashkëkryerje kishin për të kryer veprën penale marrja e ryshfetit nga neni 428 i Kodit Penal të Republikës së Kosovës”, thuhet në njoftim.
Ndryshe, pas luftës në Kosovës kolegjet private kanë pushtuar vendim. Janë dhjetëra kolegje, universitete private, shkolla të mesme dhe fillore që janë hapur nga privatët. Disa nga to nuk i postojnë as përafërmi kushtet për shkollim, mirëpo dyshohet për keqpërdorim gjatë akreditimit.
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën