Jeta në Zvicër
Iniciativë e re e SVP/UDC-së në fushë të azilit
“Askush nuk mund të fitojë azilin në Zvicër nëse këtu ka hyrë përmes një vendi të tretë, të sigurt"
SVP/UDC planifikon edhe një iniciativë të re në fushë të migracionit. Kjo parti është duke e përpunuar idenë për iniciativën me të cilën kërkohet kufizimi i mëtejmë i numrit të azilkërkuesve në Zvicër. “Askush nuk mund të fitojë azilin në Zvicër nëse këtu ka hyrë përmes një vendi të tretë, të sigurt”, ka deklaruar për gazetën “SonntagsZeitung” shefi i grupit parlamentar të SVP-së në Parlamentin Naxcional të Zvicrës, Adrian Amstutz.
“Të huajt të cilët kanë hyrë në Zvicër nga një shtet i sigurt fqinj, në rast se nuk janë të përndjekur nga ai vend, mund të kalojnë vetëm nëpër procedurën e dëbimit nga Zvicra”, ka thënë Amstutz, duke menduar se këta të huaj, refugjatë, nuk duhet të kenë fare të drejtë të hyjnë në procedurë për kërkim të azilit.
“Ai që me të vërtetë e ka jetën në rrezik, do të kërkojë azil në vendin e sigurt më të afërm, që të mund të kthehet shpejt sërish në vendin e tij”, ka shtuar Amstutz.
Edhe luftimi i trafikut me qenie njerëzore është sipas dputetit të SVP-së një nga qëllimet e këtij kufizimi. Ai ka thënë se në këtë drejtim, hap i qëlluar është ndihma e OKB-së për vendet fqinje të sigurta të shteteve të përfshira nga konfliktet.
“Kjo u shërben më të varfërve dhe jo atyre që kanë mundësi të paguajnë kontrabandistët për udhëtimet e shtrenjta.
Amstutz nuk ka treguar se kur do të fillojë mbledhja e nënshkrimeve për iniciativën e përmendur, të paralajmëruar shumë më herët, për t`u realizuar madje në vitin 2013.
Deputeti i SVP-së ka kritikuar ministren e drejtësisë, Simonetta Sommaruga për paaftësi. Sipas tij, ajo nuk merr masa që azilkërkuesit me status të refuzuar të dëbohen nga vendi ose që shtetet si Italia ose Greqia t`u përmbahen detyrimeve të tyre.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën