1.1 miliardë € i shpenzojnë shqiptarët jashtë vendit

Në raportin e publikuar së fundi mbi bilancin e udhëtimeve, sipas Bankës Shqiptare, periudha kur shqiptarë shpenzojnë më shumë para jashtë është në tremujorin e tretë, që përkon edhe me pushimet e verës

1.1 miliardë euro në vitin 2016 i kanë shpenzuar shqiptarët jashtë vendit për turizëm, te familjarët e tyre emigrantë, apo për qëllime biznesi.

Bëhet fjalë për një rritje të prej 2% në krahasim me vitin paraprak, bëri të ditur Banka e Shqipërisë.

Në raportin e publikuar së fundi mbi bilancin e udhëtimeve, sipas Bankës Shqiptare, periudha kur shqiptarë shpenzojnë më shumë para jashtë është në tremujorin e tretë, që përkon edhe me pushimet e verës, përcjell albinfo.ch.

Në verën e 2016-ës turistët dhe udhëtarët shqiptarë shpenzuan gati 370 milionë euro.

Siç raportojnë mediat në Tiranë, në anën e kundërt, shpenzimet e të huajve në Shqipëri kanë shënuar një rritje të ndjeshme në 2016-ën, duke arritur në 1.5 miliardë lekë, me një rritje prej 13% në raport me vitin paraprak.

Rekordi i të ardhurave është arritur në verë, me 521 milionë euro.

Gjithsesi, pavarësisht prurjeve të larta të turistëve prej 1.5 miliardë eurosh, bilanci neto i të ardhurave nga turizmi është rreth 390 milionë euro, për shkak të shpenzimeve të mëdha jashtë vendit, citon Banka Shqiptare në Tiranë.