1.9 milionë franga zvicerane për deponinë në rajonin e Pollogut në Maqedoni

Ministri i Mjedisit dhe Planifikimit Hapësinor të Maqedonisë, Sadullah Duraku dhe zëvëndësambasadori i Zvicrës në Maqedoni, Stephan Tomadzhan kanë nënshkruar kontratën për projektin “Menaxhimi me mbeturina në rajonin e Pollogut”.

Marrëveshja ofron asistencë teknike dhe financiare për rindërtimin dhe standardizimin e deponisë rajonale në rajonin e Rusinës. Projekti kap vlerën 1,900,000 franga dhe duhet të përfundojë deri në qershor 2020, përcjell albinfo.ch.

Marrëveshja e nënshkruar do të sigurojë përgatitjen e dokumentacionit të duhur dhe rritjen e kapaciteteve të ndërmarrjeve komunale në rajon.

Deponia e Rusinës në të ardhmen do të kënaqte të gjitha standardet moderne për ruajtjen dhe riciklimin e mbeturinave në rajonin e Pollogut. Projekti është menduar për të kapërcyer problemin me paraqitjen e deponive ilegale në rajon, si dhe një nga faktorët më të rëndësishëm që rrisin rrezikun e përmbytjeve në rajon.

Nënshkrimi i kësaj marrëveshjeje ishte pjesë e ngjarjes për të promovuar projektin për të zvogëluar rrezikun e përmbytjeve në rajonin e Pollogut, ku mori pjesë kryetarja e këshillit të rajonit të Pollogut, Teuta Arifi dhe përfaqësuesja e përhershme e UNDP-së në vend, Louisa Vinton.