15-vjeçarja shqiptare nga Zvicra, e pasionuar pas muzikës

Ajo ka treguar se ka lindur dhe është rritur në Cyrih, derisa prindërit janë nga Kosova

Marisa Murtezi, vajza e talentuar nga Kosova, ishte një nga të ftuarat e Bieta Sulos në studion e “Ftesë në 5”, në Top Channel.

E lindur dhe e rritur në Zvicër, ajo është e pasionuar pas muzikës dhe ka filluar të këndojë që në moshë të vogël.

Edhe pse vetëm 15 vjeç, Marisa ka zgjedhur të ndjekë modelin e artistes së saj të preferuar Dua Lipa , duke e nisur angazhimin në muzikë me realizmin e covera-ve të këngëve të njohura, që i poston në Instagram, përcjell albinfo.ch.

Në hyrjen e “Ftesë në Pesë” ajo zgjodhi të performonte hitin botëror “New Rules” të idhullit të saj Dua Lipës, me ëndrrën që një ditë të ndajë të njëjtën skenë muzikore me të.

Ajo ka treguar se ka lindur dhe është rritur në Cyrih, derisa prindërit janë nga Kosova.

Marisa ka theksuar se do të vazhdojë studimet në Londër, derisa gjithashtu ka konkurruar në “Voice of Switzerland”.

---