Letra e fundit e Rexhep Qosjes: Testamenti i tij për varrimin dhe lamtumirën e thjeshtë

Është bërë publike një letër me karakter testamentar e akademikut dhe shkrimtarit të njohur shqiptar Rexhep Qosja, e cila i drejtohet nipit të tij, Valjetit. Dokumenti përmban dëshirat e fundit të autorit lidhur me mënyrën e varrimit, si dhe reflektime mbi jetën, veprën dhe qëndrimet e tij shoqërore e politike.

Në këtë letër, Qosja shpreh qartë kërkesën që varrimi i tij të bëhet pa ritual fetar, pa praninë e përfaqësuesve zyrtarë dhe pa ceremoni publike. Ai thekson dëshirën që ceremonia të jetë sa më e thjeshtë, vetëm në rrethin familjar, pa fjalime, pa mbulim mediatik dhe pa lule, duke kërkuar që të prehet pranë varrit të bashkëshortes së tij.

Në tekst, ai reflekton gjithashtu mbi jetën e tij të kushtuar mendimit kritik, lirisë dhe zhvillimit shoqëror, duke shprehur bindjen se ka vepruar në shërbim të popullit shqiptar dhe idealeve demokratike. Megjithatë, ai pranon se nuk e konsideron jetën e tij pa gabime dhe se gjykimi përfundimtar i veprës së tij i mbetet historisë.

Letra mban datën 30 prill 2016 dhe është nënshkruar në Prishtinë.