Lajme

2.1 milionë pasagjerë në aeroportin e Prishtinës në vitin 2021

E mërkurë, 29 Dhjetor 2021 - 12:25 albinfo.ch

Aeroporti ndërkombëtar i Prishtinës “Adem Jashari” pritet që deri në fund të vitit 2021 të përmbyllë vitin me 2.1 milionë pasagjerë, transmeton albinfo.ch.

Numri i fluturimeve ka qenë më i madh gjatë muajve verorë (korrik-gusht) dhe po ashtu në muajin dhjetor janë afro 1500 fluturime, me afro 200 mijë pasagjerë.

Mërgimtarët nga Zvicra prijnë për nga numri i ardhjeve në Kosovë, për dallim nga shtetet e tjera nga bota, me theks të veçantë nga Evropa, shkruan albinfo.ch.

Numri më i madh i udhëtarëve që fluturojnë nga aeroporti e Prishtinës mbetet Zvicra, me qytetet e saj, si Bazeli, Cyrihu dhe Gjeneva, më pas vjen Gjermania, me qytete si Dyseldorf, Shtutgarti, Mynihu dhe Berlini, e kështu me radhë. /Albinfo.ch